​Betterverse HK 緣宇宙

單身配對班係專為單身人士而設，我哋會先根據大家提供嘅資料進行人手配對，符合我哋以下配對班嘅服務標準及承諾先會安排大家參加活動🥰 因此，活動名額並非先到先得⚠️

​​

1. 男女比例為固定1:1，除非有參加者臨時退出而我哋又無辦法搵到合適嘅替補人選，我哋將會視乎情況決定會唔會延期舉辦，甚至取消活動。

2. 由於活動一般為5男5女，所以未必可以確保所有異性參加者都符合到您嘅擇偶條件。但我哋承諾至少有一半或以上嘅參加者係會符合您嘅要求，其餘亦會盡量滿足。

3. 為咗令大家可以認識更多新朋友，增加成功配對同出pool嘅機會，我哋會盡可能安排每一班唔會出現您曾經喺我哋過往配對班已經遇過嘅異性參加者（如必要嘅話，亦只會容許最多一位）；至於玩樂交友活動並非配對性質，所以不受此限制。

​

報名參加單身配對班前需先撳呢條 link 填寫配對表格 🙏🏻 如果有啲日子您哋係得閒，或者有啲班係有興趣，填好表格就可以隨時搵我哋報名❤ 合適嘅就會優先邀請您參加😉 如果早前已經填咗 form，除非您有資料想改，否則就唔需要再填過 form 嫁喇，直接通知我哋報名就得❤️

模擬情侶1對1配對​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​報名及活動流程：

1. 先進行簡單諮詢，了解您嘅條件同要求，或需提供近照/Zoom線上對話令配對更有效。

2. 配對到合適嘅對象後，會代大家互相分享資料作基本認識 ，包括年齡範圍、職業、興趣、性格等；參加者可以自由選擇補充資料，例如戀愛經驗、期望等。

3. 專人安排模擬情侶活動時間同地點。

4. 模擬情侶活動前分享備忘及注意事項。

5. 模擬情侶活動後跟進、評價及回饋。

​

有興趣參加嘅話，只需揀返相關嘅活動網頁撳「報名參加」或者直接聯絡我哋報名🙏🏻 我哋會再透過 WhatsApp 同您進行簡單諮詢，然後根據您資料進行人手配對，若成功配對到合適對象嘅話，就可以邀請您參加😉 ❤